Главная » 2015 » Апрель » 27 » Gagauz dili yortusunu nışannadılar Komrat kasabasında
Gagauz dili yortusunu nışannadılar Komrat kasabasında
11:53
Gagauz dilin gününü nışannadılar Komrat kasabasında pazar günü, çiçek ayın 26-da. Yortu kolonnası, angısına dizildi okulların üürenicileri, bayraklarlan hem arkestruylan geçti Komradın merkez sokaandan meydana dooru.
Avtonomiyanın yaşannarını ana dili yortusunnan kutladı Gagauziya başkanı İrina Vlah. Onun laflarına görä, ana dili yortusunu önemni nışannamaa gagauz aydınnadıcısının Mihail Çakirin duuma günündä.
«Gagauz dili birleştirdi bizim dedelerimizi, açan onnar geldilär Bucak topraana. Brakmadı onnar karışsın başka halklarlan. İdeya korumaa dili, kulturayı, adetleri verdi kuvet kurmaa Gagauz avtonomiyasını».
Başkan ekledi, ki 20 yılın içindä gagauz dili eni uurlara çıktı: ana dili başlandı okunmaa şkolalarda hem uşak başçelerindä, açıldı gagauz kafedrası Komrat devlet universitetindä, zeedelendi kiyat hem dergi basılması, gagauz dili başladı yayınnanmaa televizionda hem radioda.
«Gagauziya Bakannık Komiteti hem Halk Topluşu ileri dooru dayak olaceklar ana dilimizä. Bu sırada başarılar belli olacek sade gençlerin yardımınnan, angısı sayer kendi istoriyasını hem adetlerini», - söledi başkan.
Gagauziya halk topluşun başı Dmitriy Konstantinov kendi sözündä söledi, ki gagauz dilinnän avtonomiyanın yaşayannarı tanınımş oldu bütün dünneedä.
«Pek zor bizim paalı üüredicilerimizä. Onnar üürederlär bizim uşakları gagauz dilini sevmää. İsteerim büün onnara saa ol sölemää», - danıştı üüredicilerä Konstantinov.
Yortunun pay alannarına danıştı Gagauziya gençlerin regional konsiliumun başı Anatoliy Mavrodi. O açıkladı, ki ana dili yortusun hazırlarkan, büük yardım verdi avtonomiyanın kuvetleri.
«Bu büük yotru gösterer bütün dünneeyä, ki gagauz dili yaşêêr hem yaşayacek ta», - söledi Mavrodi.
Gagauziyanın yaşayannarı sayer, ani gagauz dilini lääzım korumaa hem evlat boylarına onu baaşlamaa.
«Bizim halkımızn var gözäl adetleri hem tradițiyaları. Onnarı lääzım korumaa hem aaraştırmaa. İsteerim bu gün sölemää, ki hepsi gençlär lääzım üürensin hem konuşsun ana dilindä», söledi «Gagauziyanın gençleri» kurumun temsilcisi Aleksandr Suhodolskiy.
«Çok mutluyum, ani bän gagauzka. Pek severim kendi ana dilimi, isteerim o ilerlesin. Hepsini isteerim kutlamaa bu gözäl yortuylan, da dilemää kısmet hem saalık», - söledi gagauz dilindä üürediciyka Lüdmila Barladän.
«Bakarkana bizim gençlerä, annêêrım, ki gagaz dili çetin ellerdä bulunêr», - açıkladı kendi bakışını gagauz dilindä üüredici Svetlana Todorova.
«Pek ii havezlän pay alêrım bu yortuda, neçinki bu benim ana dilin günü», - söledi Tomay küüyün lițeyin üürenicisi Vladimir Topçu.
Komradın meydanında bu vakıt geçti kiyat hem resim sergileri. Maasus ana dili yortusu için gösterildi bir konțert, angısında pay aldı oyun hem türkü kollektivları «Altıncık» hem «Karanfil», genç çalgıcılar Elena Paçi hem Olesa Jelezoglo hem Ukrainadan musaafir Natali Deniz.
ЧИТАЙТЕ ЭТУ НОВОСТЬ НА РУССКОМ ЯЗЫКЕ:
День гагаузского языка широко отметили в муниципии Комрат. Праздничная колонна, составленная, преимущественно, из молодежи, с флагами Гагаузии прошла по центральной улице города.
Празднование дня родного языка продолжилось на комратской центральной площади. Жителей автономии с днем гагаузского языка поздравила башкан Ирина Влах. Она отметила значимость празднования дня гагаузского языка в день рождения протоиерея Михаила Чакир.
«Гагаузский язык объединил наших предков, когда они переселились на земли Буджака. Не дал им ассимилироваться среди других народов. Идея сохранить родной язык, культуру и традиции вдохновила наших отцов к созданию Гагаузской автономии», - отметила Ирина Влах.
Башкан подчеркнула достигнутые за 20 лет успехи в области развития и популяризации гагаузского языка и литературы: изучение языка в школах, открытие кафедры гагаузской филологии в КГУ и в ряде других молдавских ВУЗов, печатание книг и журналов на гагаузском языке.
«Исполком Гагаузии и Народное собрание и в дальнейшем будут поддерживать развитие гагаузского языка, его внедрение во все сферы жизнедеятельности автономии», - сказала Ирина Влах.
По словам председателя Народного собрания Дмитрия Константинова, «гагаузский язык поднял жителей автономии на высокий уровень в мире».
«Очень сложно нашим дорогим учителям по гагаузскому языку. Они прививают родной язык молодому поколению. Я хочу сказать им большое спасибо за добросовестный труд», - сказал Константинов.
К собравшимся обратился и лидер Регионального консилиума молодежи Гагаузии Анатолий Мавроди. Он выразил благодарность властям автономии за содействие в организации мероприятия.
«Празднование дня родного языка демонстрирует всему миру, что гагаузский язык живет и развивается», - сказал Мавроди.
Жители автономии говорят, что следует бережно относиться к родному языку.
«У нашего народа прекрасная культура и традиции. Задача молодежи состоит в том, чтобы сохранять их, и придать импульс развитию гагаузского языка», - отметил представитель общественной ассоциации «Молодежь Гагаузии» Александр Суходольский.
«Я очень счастлива, что я гагаузка. Очень люблю свой родной язык и хочу, чтобы он процветал. Всех жителей поздравляю с этим прекрасным праздником, и желаю им счастья», - сказала учитель гагаузского языка в детском саду №9 Людмила Барладян.
«Хочу призвать молодежь Гагаузии к бережному отношению к своему родному языку. Сегодняшний праздник доказывает, что будущее гагаузского народа – в надежных руках», - сказала учитель гагаузского языка Светлана Тодорова.
«Участвую в этих торжествах с прекрасным настроением, потому что сегодня день моего родного языка», - сказал ученик теоретического лицея села Томай Владимир Топчу.
На площади в это время прошла выставка гагаузских книг, изделий народных умельцев, картин и детских рисунков, а также праздничный концерт, в котором приняли участие самодеятельные коллективы «Алтынжик», «Каранфил», исполнители Елена Пачи, Олеся Железогло, а также гостья из соседней Украины Натали Дениз.
